Durrës.Mbante me forcë një vajzë të mitur në banesë, arrestohet 33-vjeçari; iu gjet edhe një pistoletë me silenciator
Një 33 vjeçar u arrestua nga policia e Durrësit, ndërsa dyshohet se mbante me forcë në banesë një vajtë të mitur 15-vjeçare, duke mos e lejuar të të largohej dhe ushtronte dhunë psikologjike ndaj saj.
Gjatë ndërhyrjes, Policia i gjeti 33-vjeçarit, të identifikuar si Enea Zeqiri, një armë zjarri pistoletë me silenciator dhe municion luftarak.
“Shërbimet e Komisariatit të Policisë Durrës dhe ato operacionale të Drejtorisë Vendore të Policisë Durrës, pas njoftimit të marrë se një shtetas kishte mbajtur me forcë një 15-vjeçare, me të cilën dyshohet se kishte një marrëdhënie intime dhe nuk e lejonte të largohej nga banesa e tij, duke ushtruar dhunë psikologjike ndaj saj, kanë ndërhyrë duke kapur në flagrancë dhe vënë në pranga shtetasin:
E. Z., 33 vjeç, banues në lagjen nr. 14, Durrës.
Gjatë ndërhyrjes dhe kontrollit të banesës, shërbimet e Policisë i gjetën këtij shtetasi një armë zjarri pistoletë “Zastava” me silenciator dhe municion luftarak, të cilat u sekuestruan në cilësinë e provës materiale”, njoftoi Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprat penale “Dhuna në familje”, “Heqja e paligjshme e lirisë” dhe “Mbajtja pa leje e armëve dhe municioneve”.
About The Author
