Djali ka humbur para 5 muajve , babai i moshuar humb shpresat dhe denoncon në Polici, kërkon ndihmë për gjetjen
Babai i moshuar denoncon humbjen e të birit 5 muaj pas humbjes së tij.
Policia e Durrësit njoftoi sot se ka marrë kallëzimin për humbjen e një 49-vjeçari, teksa ka nisur edhe kërkimet për gjetjen e tij.
Kallëzimi është bërë nga i ati, një 85-vjeçar. Sipas deklaratës, ai nuk ka pasur asnjë informacion për vendndodhjen e të birit që prej datës 21 prill 2025.
“Në Komisariatin e Policisë Durrës është paraqitur M. K., 85 vjeç, banues në Durrës, i cili ka kallëzuar se më datë 21 prill ka humbur kontaktet me djalin e tij, shtetasin A. K., 49 vjeç”, tha policia vendore.
Nuk ka informacione të detajuara për arsyet pse denoncimi është depozituar me vonesë nga i ati, teksa vijon puna për kërkimin dhe gjetjen e tij.
About The Author
