Durrës. Mbahet në shëtitoren”Taulantia” koncerti simfonik “ Homazh për Michael Jackson”
Në mbrëmjen e ditës së enjte në shëtitoren “Taulantia” u mbajt koncerti simfonik “Homazh për Michael Jackson” me hitet më të mira të këtij këngëtari legjendar.
Mbreti i muzikës pop u nda nga jeta në 25 qershor të vitit 2009, por për adhuruesit e muzikës së tij ,ai është gjallë nëpërmjet veprës që ka lënë dhe vazhdojnë ta kujtojnë si një nga më të mëdhenjtë e muzikës të të gjithë kohërave.
Këtë radhë ishte Durrësi ku u organizua një koncert madhështor në nder të tij me pjesëmarrjen e Orkestrës Simfonike të Operas dhe Baletit, me Trupën e Baletit si edhe të Ansambilit Popullor.
Gjithashtu merrnin pjesë edhe vokalistët italianë Clarissa Vichi dhe Mattis Sciascia.
Koncerti u ndoq nga turistë dhe qytetarë të shumtë që përcollën me duartrokitje pjesët e interpretuara me nivel të lartë artistik.
About The Author
