Java nis me rrebeshe dhe dëborë, por si do të mbyllet marsi? Flet meteorologia Tanja Porja
Mëngjesi i kësaj të hëne ka nisur me reshje shiu dhe kështu do të vijojë përgjatë gjithë javës. Meteorologia e A2 CNN, Tanja Porja, raportoi në “Dita Jonë” se moti i keq me reshje shiu dhe dëbore do të vijojë përgjatë gjithë javës së fundit të marsit dhe fillimit të prillit.
Shi gjatë ditës së sotme dhe gjatë javës rikthehen reshjet e dëborës. Sot deri të mërkurën reshjet shfaqen në majat e maleve dhe pas së mërkurës dukshëm në zonat malore”.
Sipas meteorologes së A2 CNN në mesditë ulen temperaturat ndërsa rrebeshet do të përfshijnë verilindjen dhe juglindjen.
Ulje të temperaturave 5-21 gradë. Rrebeshe afatshkurtra në zonat veriore. Në pjesën e dytë të ditës rrebeshet do të vijojnë në verilindje dhe juglindje”.
Porja theksoi se gjithashtu do të ketë stuhi detare gjatë gjithë ditës në detin Jon dhe kanalin e Otrantos.
Më tej, ajo njoftoi se ditët e fundit të marsin do të mbyllen me mot dimri rrebeshe dhe disa cm dëborë, dhe po kështu do të nisë edhe muaji prill.
About The Author
