Koha e qenve – nga Vladimir Shyti
Politikantët rrahin brirët
E pregatitur arena,
Demat e deshtë në garë,
E përflakur jehona politike,
Të zgjedhurit rrahin brirët,
Trokasin derë më derë,
Në sheshe e kuvende,
Fjalë dhe vetëm fjalë,
Me zbukurime e trillime,
Burrave çyryk,
Po u ndërsejnë dhe gratë,
Veç të fitojnë këtë garë,
Po kapen fyt më fyt,
Lëkundet kështjella socialiste,
Bufi shteron kënetën,
Deshtë kapërcejnë livadhet,
Varfërisë i mbetet të qesh,
Politikani ngre kryet,
Përpiqen brirët në arenë,
“Së shpejti në Evropë!
“Do të ulim çmimet!
“Për të gjithë mirëqenie!
Dhe varfëria vetëm qesh.
Rriten fjalët si vetëtima,
Premtimet si lulet e Majit,
Varferia zë e bërtet:
“Mos i mbyllni sytë!
E vetmja bukuri që zgjatë,
Eshtë mirësia e zemrës”.
About The Author
