Nis sot “Dyrrah City Football Fest”. Aktiviteti do të zgjasë katër ditë

Duke nisur nga e  hëna  pasdite dhe deri ditën e enjte më dt 13 qershor “ Dyrrah City Football Academy”  e mbështetur edhe nga Bashkia Durrës organizon një kampionat  katër ditor me mini-ndeshje futbolli.

Skuadrat janë  të përbëra nga tre lojtarë me fëmijë të moshave nga 9-16 vjeç. Sipas organizatorëve në këtë aktivitet mund të regjistrohet çdo fëmijë që dëshiron, madje  çdo fëmijë është i lire të zgjedhë edhe skuadrën që dëshiron dhe i vetmi kusht është mosha brenda normave të përcaktuara.

Që në hapjen e aktivitetit interesimi ishte i madh  si nga prindërit që kërkonin të regjistronin fëmijët e tyre, por edhe vetë fëmijët ishin të interesuar të masnin forcat me bashkëmoshatarët e tyre.

 Të gjithë fëmijët vëzhgohen  me kujdes nga një grup i  trainerësh dhe përgatitës atletikë të kualifikuar. Sipas organizatorëve  i gjithë aktiviteti  ka për qëllim zbulimin e talenteve të reja dhe afrimin e tyre në ekipet zinxhir pranë “Dyrrah City Football Academy”.

Regjistrimet vazhdojnë deri ne mbylljen e aktivitetit.

About The Author